Ֆրանչիսկոս Սրբազան Քահանայապետի մասնակցութիւնը` Քահանայապետի Խորհրդակից Կարտինալներու վեցերորդ նիստին։

Երկուշաբթի, 15 սեպտեմբեր 2014-ին, Վատիկանի մէջ սկիզբ առաւ Քահանայապետի խորհրդակից ինը Կարտինալներու խորհուրդի կարտինալական վեցերորդ ժողովը, որուն նիստերուն կը մասնակցի նաեւ Ֆրանչիսկոս Սրբազան Քահանայապետը։
Յայտնենք թէ Կարտինալական վերոյիշեալ խորհուրդի պարտականութիւնն է` օգնել Քահանայապետին, Տիեզերական Եկեղեցւոյ կառավարութեան գործին մէջ եւ ուսումնասիրել բարեփոումներու նոր ծրագիր մը հայող` ''Pastor bonus'' առաքելական սահմանադրութեան։ Ինը կարտինալներու խորհուրդի ժողովները վերջ կը գտնեն վաղը` Չորեքշաբթի, 17 սեպտեմբերին։
Նշենք թէ նախորդ ժողովները տեղի ունեցած էին, 1-3 հոկտեմբեր 2013, 3-5 դեկտեմբեր 2013, 17-19 փետրուար 2014, 28-30 ապրիլ 2014 եւ 1-4 յուլիս 2014։